Black and White
The Others
-
نفسي أتمرجحقبل 11 عامًا
-
حبيتكقبل 12 عامًا
-
في الطريق إليها...الحلقة الثالثةقبل 13 عامًا
-
-
انها السعادة الحقيقيةقبل 15 عامًا
-
-
الحب؟؟؟؟قبل 15 عامًا
06 فبراير 2009
4:12 ص | 
مرسلة بواسطة
انسان غامض
كنت مراقبا للجوده......
نظرا لكوني مجتهد و اجتزت سنه اولي علوم بنجاح منقطع النظير و مشيلتش اكتر من سبع مواد (سته بعد الخصم) قررت آني انزل تدريب في أي مكان و بعد شويه بحث لقيت واسطه في مصنع بلاستيك هندسي بس طلع في أكتوبر قلت مفيش مشكله
...........................
اول يوم كان المفروض اكون هناك الساعه سته و نصف صباحا و طبيعي كنت هناك الساعه تمانيه و نص لسه بسأل علي المهندس(....)طلع لسه مجاش طب المهندس(...)بشرطه برده لسه مجاش الحمد لله بعد ساعتين بس الهندسة الصغير-(...)بشرطه- شرف -أه نسيت أقولك اني اكتشفت ان المهندس الكبير طلع العضو المنتدب و صاحب المصنع-و هكذا الهندسة الكبير هو المسؤل عن تعيني و كلها ساعه و ينور و تم تسليمي الي قسم الجوده علشان اعرف النظام و كده و فعلا فضلت اعرف النظام لغايه الساعة سبعه و نص مساءا و هنا اكتشفت ان الطريق للبيت عايز اربع ساعات بعد الخصم و ده كان اول يوم
بعد كده الدنيا بقيت شبه بعضها بس فى نفس الوقت الدنيا بدأت توضح يعني انا مش لازم ابات لغايه الساعه سبعه و نص كفايه لحد تلاته و نص و الهندسه الكبير طلع صعب اوي في التعامل و الكل خوفني منه و قبل اللحظه المرتقبه و انا قاعد منتظر في مكتبه حسيت اني هقابل ابو رجل مسلوخه او جاك السفاح خصوصا بعد ما صوته طلع بره المكتب و الزعيق ابتدا بس الحمد لله عربيات الاسعاف و قوات الدفاع المدنى تداركت الموقف قصدي بطل زعيق و دخلتله ....و عدي اول لقاء بدون اصابات و الحمد لله اما اهم اكتشافاتي هي ان بيتنا طلع قريب اوي يا دوب ساعه و نص بس و فعلا بعد تسعين دقيقه كامله كنت في البيت
بعد كده الدنيا بقيت شبه بعضها بس فى نفس الوقت الدنيا بدأت توضح يعني انا مش لازم ابات لغايه الساعه سبعه و نص كفايه لحد تلاته و نص و الهندسه الكبير طلع صعب اوي في التعامل و الكل خوفني منه و قبل اللحظه المرتقبه و انا قاعد منتظر في مكتبه حسيت اني هقابل ابو رجل مسلوخه او جاك السفاح خصوصا بعد ما صوته طلع بره المكتب و الزعيق ابتدا بس الحمد لله عربيات الاسعاف و قوات الدفاع المدنى تداركت الموقف قصدي بطل زعيق و دخلتله ....و عدي اول لقاء بدون اصابات و الحمد لله اما اهم اكتشافاتي هي ان بيتنا طلع قريب اوي يا دوب ساعه و نص بس و فعلا بعد تسعين دقيقه كامله كنت في البيت
وبالنسبه لنصف الكوب المليان اشخاص متناقضه تماما اولهم المهندس عقاب الهي اللي كان بيتقاضي راتب اضافي عشان يشتم العمال و يتنرفز عليهم فعلا كان مثال رائع للمدير الناجح بس في نفس الوقت كان لسانه اطول منه و احنا كنا في رمضان كمان يعني صيام السنه كلها اضرب و ربنا يسامحنا بقي
اما نقيضه كان الهندسه الصغير و ده كان قمه الذوق و الاخلاق و احتراف كامل في الشغل علي النظم الاوربيه و بمناسبه اوربا مقدرش انسي توتي او تامر اللي نفسه يسافر اوربا و يحترف الجوده هناك
وابو علي سيف الجوده اللي بيخافوا منهاما اكتر حاجه كانت لذيذه هي وضعي في المصنع بين العمال و الفنيين و كنت بتعرف اول يوم كالاتي : "مهندس عبدالله من كليه علوم بيتدرب معانا في الجوده تبع الهندسه الكبير صاحب المصنع "سيبك من التناقض بين علوم و لقب مهندس ده بس الاهم "تبع الهندسه الكبير"يعني تعظيم سلام و يا بخت من كان صاحب المصنع واسطته مش بس كده ده كمان و انا مروح في الاتوبيس بتاع المصنع راح مدير الجوده مقعدني في كرسي مش بتاعي و اسمع واحد بيسأل التاني عليا"هو مين ده؟"و المفجأه انه قاله"اخو مدير الجوده"يا سلام فعلا الشعب ده بيحب الزيطه... بقيت تبع صاحب المصنع و اخو مدير الجوده فى نفس الوقتبس حكايه اني قريب حد كبير في المصنع ده كانت بتظهر اوي لما يبدأ العمال في سب صاحب المصنع و لما يخادوا بالهم اني موجود الاقيهم كلهم بصولي و سؤال واحد يتيم مفيش غيره "هو انت تقرب ايه للهندسه الكبير صاحب المصنع....؟!! "شعب يخاف صحيح
اما نقيضه كان الهندسه الصغير و ده كان قمه الذوق و الاخلاق و احتراف كامل في الشغل علي النظم الاوربيه و بمناسبه اوربا مقدرش انسي توتي او تامر اللي نفسه يسافر اوربا و يحترف الجوده هناك
وابو علي سيف الجوده اللي بيخافوا منهاما اكتر حاجه كانت لذيذه هي وضعي في المصنع بين العمال و الفنيين و كنت بتعرف اول يوم كالاتي : "مهندس عبدالله من كليه علوم بيتدرب معانا في الجوده تبع الهندسه الكبير صاحب المصنع "سيبك من التناقض بين علوم و لقب مهندس ده بس الاهم "تبع الهندسه الكبير"يعني تعظيم سلام و يا بخت من كان صاحب المصنع واسطته مش بس كده ده كمان و انا مروح في الاتوبيس بتاع المصنع راح مدير الجوده مقعدني في كرسي مش بتاعي و اسمع واحد بيسأل التاني عليا"هو مين ده؟"و المفجأه انه قاله"اخو مدير الجوده"يا سلام فعلا الشعب ده بيحب الزيطه... بقيت تبع صاحب المصنع و اخو مدير الجوده فى نفس الوقتبس حكايه اني قريب حد كبير في المصنع ده كانت بتظهر اوي لما يبدأ العمال في سب صاحب المصنع و لما يخادوا بالهم اني موجود الاقيهم كلهم بصولي و سؤال واحد يتيم مفيش غيره "هو انت تقرب ايه للهندسه الكبير صاحب المصنع....؟!! "شعب يخاف صحيح
...................................................................................
بس كان فى حاجه غريبه اوى مش لاقى ليها تفسير لغايه دلوقتى كل اللى كانوا فى المصنع كانوا بيشكروا فى صاحب المصنع و فى طريقه ادارته و طريقه تعامله معاهم و ازاى انه عامل نظام شغل مش موجود فى مصر بس الكلام ده لغايه الساعه اتنين تقريبا و بعد كده يبدأ السباب و التذمر و التبرم و كل علامات الاعتراض على المصنع و اللى فيه ....خاصه فى الاتوبيس تلاقى كل انواع الشكوى و السباب و طبعا السؤال اليتيم"هو انت تقرب ايه للمهندس (...) ....؟؟
......................................................................................
......................................................................................
اما اكتر انجاز لقيته فى المصنع ده كان حاجه غريبه جدا
قابلت اول واحد منوفى طيب... بجد طيبه ممكن توصل لدرجه العبط و ده عن شهاده الجميع... كان مهندس حديث التخرج و لسه مستلم الشغل فى المصنع ومش عارف حاجه لسه و مصمم يسألنى انا عن نظام المصنع و يسألنى اذا كان مرتبه كده كويس ولا يطلب زياده و اذا كان فعلا صاحب المصنع صادق معاه ولا....؟؟
ده باعتبار انى بقيت الصديق الشخصى لصاحب المصنع و امين سره
بس الحمد لله الاجازه خلصت و التدريب كمان خلص
بس للاسف فضلت برده فى كليه العلوم
و لنا الله
و لنا الله
الاشتراك في:
تعليقات الرسالة (Atom)
For a Special Someone
I'd like to read
-
سلالم المعرفةقبل 5 أعوام
-
مدينة تامرقبل 14 عامًا
-
أن تكون أناقبل 14 عامًا
6 What do you think?:
هذا هوه التلفاز صاحب 55 بوصه
من أهم فوائد التدريب هوه أن تصتدم بالعالم الخراجي وكلما يسوء هذا العالم في التدريب كلما يكون مفيد لشخص الذي يتدرب.
تجد شخصيات ذكيه ولكن مكبوته،شخصيات لا يوجد اغبا منهاوتجدها تتملك زمام الأمور،كما من المكن أن تجد ما هوه نصاب وما هوه محتال .....
ولكن هذا لا يمنع من وجود ما هوه طيب وذكي ومحترم...
وما قمت بسرده لا يتعلق بكلية علوم فقط
هذا يتعلق بشعب المصري بصفه عامه
هذه هيه ثقافتنا وهذه هيه حياتنا في الحياه العمل......وطبعا لا تعليق علي هذه الحياه....
لكن كل ما أستطيع ان أقوله أن
الفــــــــــاضي يعمل قــــاضي
وللأسف الشعب المصري فاضي من الداخل
لهذا تجدهم يفهمون في كل شئ (يفتــون بمعني أدق)
لـــــــــــذا
لنا الله يا مصر
اهم حاجة انك برده اتدربت...ولولا التدريب دا كنت لما هاتتخرج ان شاء الله هاتبقى زى المهندس المنوفى الطيب اللى متخرج ولسة مش عارف حاجة
اما بقى جزء الواسطة دا ساعات بردوا بيكون كويس لو زى مانت عاملت كدا اتدربت وماضرتش حد....بس المستفز بقى فى الموضوع هو سلوك الناس...اما بيتجنبوك ويخافوا ...او ينافقوك...او يعدوا يفتوا بقى .....ودا مالوش حل غير اننا نبدا بنفسنا بما اننا احنا الشباب واحنا الجيل الجاى فى الشغل ...يمكن ربنا ان شاء يساعدنا نغير السلبيات دى
واخيرا ...اسلوبك ساخر لذيذ اوى ياعبدالله وماكانش ينفع تتكتب التجربة دى غير بالطريقة دى....ومبروك ع المدونة
بلد بتاعت شهادات صحيح
طبعاً لا شهادات ولا حاجة وبالنسبة للوضع اللى كنت بتنتقده بخصوص العمال والمهندسين وغيرهم فبمنتهى البساطه هقولك
:-)
ابتسم انت فى مصر وعلى فكرة طبيعى انك تلاقى الشخص الذوق والمحترم هو الهندسة الصغير وكويس اصلا انك لقيته
يللا ما علينا ابتسم تانى انت فى مصر
صحيح يا عبدالله انت كنت بترد على السؤال ده وتقولهم ايه "و انت تقرب ايه للمهندس (...) ....؟؟"
هاه كنت بترد تقول ايه بقى؟؟؟؟؟؟
متهيألى انها كانت تجربه مفيده ليك يا عبدالله
بس فكره ان العمال بيقولوا حاجه وفى اللحظه اللى بعدها دى حاجه كل الشعب بيعملها
واحنا كطلبه اول ناس بتعمل كدا بنبقى مش طايقين الدكتور وقاعدين ادامه عادى خالص ولا كأن فى اى حاجه
إحنا بس محتاجين اننا نغير اسلوب تفكيرنا ومجموعه من سلوكيتنا
وعلى فكره انا برضه عايزه أعرف كنت بتقولهم إيه لما يقولولك انت تقرب ايه للمهندس الكبير؟؟؟؟
اختلفت الاسباب و الموت واحد
كده كده انت في مصر و كل السلبيات ده موجوده و ده اصبح طبيعي -طبيعي سئ - يعني احنا لازم نتمرد عليه و نغير للي احنا شايفينه و اكيد انا استفدت جدا من التجربه ده و عرفت جزئ من الواقع عامل ازاي
و بالنسبه لسلوك العمال فده كان ملوش اي علاقه بالرقابه عليهم و او بوجود حد كبير و اذكر ان احد العمال او الفنين اتخانق مع مدير المصنع شخصيا و مره تانيه مع رئيس الورديه يعني ده سلوك دائم بدون مبرر و ممكن تلاقي شويه عمال قاعدين مع بعض بيتكلموا و مره واحده يبدأوا حفله سباب جماعي لكل المصنع او في اتوبيس ورديه الساعه سابعه و نصف الناس بتكون بدور علي اي سبب عشان تشتم بعض
اما عن اجابتي عن سؤالهم فلم تكن محدده او واضحه و كنت قاصد كده و مفيش غير مدير الجوده اللي قدر يوصل لعلاقتي بصاحب المصنع بس برده كان ليا مكانه تمام في المصنع و ايام بقي
عبدلله انا عايز اقولك برافو عليك برغم كون الخطوة دي متاخرة بس يلا الفرصة دي لازم تتمسك بسيها يا عبد اي فرصة شغل اخرج واشتغل علشان تعرف انت فين وس العقول التانية تمام والف الف مبروك علي البلوجست بس انا عندي اعتراض علي الاستيل بتاعها كلها حزن ياعم انت اية المشاكل الي انت عايش فيها دي انت لسة في بداية حياتك والله والله يا عبدالله لازم تكون عندك روح تفأل ومفيش اي مشكله مهما كانت تستحق الزعل والحزن تمام خليك متفأل علشان اسة ايام الحزن قدام شوي يا عبد دي حاجة والحاجة التانية اعد اسمع مشاكل الناس وانت تعرف ان انت مش عندك مشاكل خهالص اه والله يلا اسيبك تفكر في الكلام بس يارب تفهمه
إرسال تعليق